De jüngsten Plattsnacker

An den 05.Februar 2020  geev dat  wedder `n lütte Plattdüütsch-Fier. So as jedet Johr  un nu bilütten all 11 Johr lang.

Wat schall dat? Grundschool Steenkark  hett 2018 de Plakette „Plattdüütsche School“ von Kultusminister Tonne kregen.Hier snackt wi ok Platt – so veel as geiht. Plattdüütsch is en schöne Sprook. Plattdüütsch kann man liehrn. Man mütt dat nich mit de Muddermelk opsugen.

Foto Plattpaten 2020

4 Jungs un Deerns in de 1.Klass hebbt dit Johr `n Plattpaten funn un wööt von nu an tohus Plattdüütsch liehrn un Platt snacken. Jümmer beiten miehr. Insgesamt hebbt wi 23 aktive Plattpaten op Steed.

12 lütte Schöler wööt Plattdüütsch mit jümmer Schoolmestersch Frau Haeger in de Lütt Platt AG liehrn.

Geiht dat? Kloor. Platt singen, speeln, snacken …tohürn.

Duurt nich lang un se könnt de iersten Riemels, Tohlen Farven… butenkopps. Plattdüütsch? LÖPPT. Hier bi uns an de GS Steenkark.

Foto: Lütt Platt AG Klass 1, 2020